2017年4月17日 星期一

受QQ入股Tesla啟發的投資

先從結論說起,我為此買了Netflix,也在找機會增持其他視影/遊戲娛樂公司。

這些公司和汽車看似風馬牛不相及,但試想想看,要是汽車能達成完全自駕,司機在車裡無所事事,前座又不可以安裝黑玻璃,總不能在車裡打飛機,這時候有什麼能做?想到了吧!

根據統計,美國人每年花17,600分鐘(即每天0.8小時)在道路駕駛,而美國的駕駛者人口覆蓋了該國87.5%的16歲以上國民。換言之如果自駕技術成熟,將會為該國大量駕駛人口提供0.8小時的煲劇和打機時間。

我猜這是騰訊踏入汽車領域的真正如意算盤,而Tesla只是第一步,中國汽車保有量也達2.9輛,我尋不到人均駕駛時間的數據,但估計不會低到哪裡去,原因大家都懂。

當然事情並不是那麼簡單,首先,目前美國法例仍禁止自駕汽車的司機在行車時發送短訊,在技術成熟後,相關法律必定有所放寬,但能不能發展到允許司機打機睇劇的程度則是個疑問(縱使Elon Musk認為數年後司機能在行車時睡覺);也有報告認為,AI會讓汽車保有量大減,因此即使法例能配合,自駕對於這些影視行業的正面影響不如想像中大。

但重要的是,我本來就看好這些影視娛樂公司,我也不認為現時的市值反映了自駕技術所帶來的潛在商機,換言之我不用付出任何代價來投資這可能性,相比起直接投資在汽車行業,這也許是風險回報更為吸引的做法。

13 則留言:

  1. 好聰明, 我真係想不到可以投資這個方向. 勁.

    回覆刪除
    回覆
    1. 當你個人無時無刻都剩係想打機煲劇既時候就唔難諗到
      ( ͡° ͜ʖ ͡°)

      刪除
  2. 想起師弟曾分享有位朋友住在唐樓,無光纖,用8M睇Netflix,真勵志

    回覆刪除
    回覆
    1. 想當年我都係用個8GB hardisk加56k網路, 用成個禮拜下載套gundam seed黎睇
      千其唔好睇少毒男既決心 (唔知點解我assume左你師弟係毒男 ◔ ͜ʖ◔)

      刪除
  3. 精彩☺tam的視野眼界,比起那一些固步自封,恃才傲物的專家强得多。 一代新人勝舊人,青出於藍勝於藍才是自然定律。
    Btw ....AI會讓汽車保有量大減,因此即使法例能配合,自駕對於這.....
    請問什麼叫保有量?

    回覆刪除
    回覆
    1. 喜爸爸過獎 :p
      當年去舊金山挖金既全部都破晒產, 唯獨賣牛仔褲既levis發左達, 我經常提醒自己用呢個思維去諗野

      保有量即係成個國家既汽車總量, 個報告認為無人駕駛既出現會助長公共交通發展, 到時根本唔會有咁多車

      刪除
  4. 觀察,思考,行動。很好的投資模式,祝你成功。

    回覆刪除
    回覆
    1. 多謝夢想爸爸!
      間唔中諗下屎橋都係投資既樂趣之一

      刪除
  5. 可能要等好多年. 因為regulative authority 好老套, 呢樣唔批果樣唔批.

    回覆刪除
    回覆
    1. 東昇兄:
      唔好話法律, 剩講技術, 十年我都唔知搞唔搞得掂
      但好似無人駕駛呢類野,目前黎講好似太conceptual, 但搞得掂既話個商機可以無限大
      唯有諗d折衷既計仔做少少exposure

      刪除
  6. 譚兄,你的眼光真的很獨到,不知之前受甚麼高人啟發?你主要都集中高增長公司,真佩服可找來這麼多資料!!

    回覆刪除
    回覆
    1. hi劉仔:
      因為工作同朋友圈子關係, 我既資訊源應該比一般散戶豐富一點, 但現今資料科技發達, 呢一點點優勢絕對唔係決定性

      至於點解集中高增長...可能純粹係因為我本身就鐘意打機,睇手機睇車睇科技
      再來加一點點生活態度上的偏見: 年青人就係要用自己既方法砌低廢老, 我有命睇到高增長公司變成巨企, 你未必有:p

      刪除