2018年7月9日 星期一

公共年金抵唔抵買?

有年長的親戚問我對政府年金的看法,到底抵不抵買。


老實說,我認為任何跟保險扯上關係的事情均複雜無比(像大家看保險股常看到的新業務價值,分析師朋友跟我解釋了半天,我還是看不懂),我也只能以common sense給一點建議。


首先,這個年金的結構是參與者先一炮過付一筆費用(5萬至100萬港元),然後到你賣咸鴨蛋那一天,每個月都可以收到一筆保證的年金收入,換言之,計劃的回報很大程度上視乎投保人的壽命。


以一個65歲、投100萬保額的的男性投保人來說,每月可收到$5800的年金。


親戚腰酸骨痛又嗜吃,自問最多頂到85歲,我就以20年為例,粗略估計一下如要自製相近的年金計劃,需要多高的投資回報率。


以較簡化的方式(例如年複利,一年分派一次)估算,結果為~3.75%的投資回報率下,我們可以投資100萬,然後每月取回5800萬,在85歲時搣完整筆錢。



3.75%說多不多,尤其是有那麼長的投資期,像搞個和黃2027年債,目前的YTM也有~4%,15年的美國國債也近3%,更別說息口在向上。


話雖如此,實際操作上我們仍有數點要考慮:

1. 顯然易見的是,活得越長對年金投資越有利,例如我們現在假設投保人有90歲命,有25年要搣,那麼要複製這筆年金的話,IRR則需提升到4.7%,100歲則5.5%。年金實際上對沖的,是死唔去的風險,如果你是彭祖級別,別想了,狠狠地買下去吧。

2. 這筆年金收入是受保證的,即使是年金管理人投資失利,也需向投保人繳付年金,對退休人士來說,其實是不可多得的保障,畢竟強如和黃也不是包唔破產,到你退休個陣遇到金融風暴你就知味道。

3. 要自行複製年金計畫也有執行上的難度,例如分散化投資、交易費用、現金流的處理等問題。而且很老實說,有能力和心機自製類似策略的,都已是箇中老手,對於不黯此道的長者而言,65歲先叫人學砌投資組合?學萬梓講,阻人退休,死左比人___架。因此本blog是主動投資的資訊為主,但叫老人家買股票什麼的,我是非常反對。我今天努力學習投資,就是為了確保我退休時唔洗強迫症咁日日睇十幾份report。

4. 媒體強調年金會輸通脹,但考慮到有一定財富的香港人大多持有物業等通脹資產,這類年金反而是極少數能抗通縮的手段。


先不談論財富傳承等問題,單從搣到賣咸鴨蛋的前題來說,我認為把此類年金作為退休資金的主力的話有點過於保守,但作為底層保障卻十分合適,對於一般中產長者來說,100萬是個不錯的金額。


說到這也分享一下我對香港退休保障的看法,所謂全民退休保障實在晒L氣,MPF雖然屈水,但也別少看40年以上的複利的威力。


以香港入息中位數16,800為例,假設由25歲開始供MPF,每年加薪2%,MPF扣除通脹的實質回報為2%,到65歲時,供款人的MPF會有等同於現時物價的186萬購買力,如何協助長者拿著這筆錢有效地搣才是重點,我認為諸如年金、銀髮債券均是不錯的嘗試,在未來可以大舉推動。


由於MPF歷史只有20年,現時的確有一批不受任何退休保障的長者,如要幫忙他們,應使用臨時的解決方案,如為此而另起全民保障計劃,破壞了原有的規劃,到時這個鍋政客們還會站出來承受嗎?到現在年輕一代承受後果時,你班含包散全部都入晒棺材了!

16 則留言:

  1. 政府都要過河濕腳......
    整色整水唔搞全民退休保障, 每年拎3D的錢做SEED MONEY就得啦
    仲要CAP 爆老人家水, 真係好賤格
    又如你所講, 有1M買條和黃直債算 (斬債都有得賣), 一樣計到數

    回覆刪除
    回覆
    1. 買到就係XD 叫個阿公落去銀行分行(唔係私銀)買債券, 剩係錄音都錄左佢20年時間

      刪除
  2. 攞威既人唔駛找數,邊會諗咁多丫。。。

    回覆刪除
    回覆
    1. 所以老實講立法會我都唔知點投, 上次超級選區我就投左兩個人

      刪除
  3. 老老實實, 如果只係需要買舊資產供自己每月有一筆錢生活, 拎一百粒去買下收息股好過啦!

    公共年金保證都係有限的, 例如要是有天廢青突然成功發難推翻正苦腥港獨立, 你估仲會唔會entertain你個「廢老年金」?再唔係個基金破產屈你班人接受改革又得,呆灣有版你睇!

    回覆刪除
    回覆
    1. 1. 如內文所講, 我亦都唔認同成副退休金all in係年金到, 識買股票/債既自然可以分配一部分資產, 但對於唔識既老人家黎講, 人地65歲先叫人學買股票個d絕對係神棍, 你買中電都可以冇啦啦跌20%, 係咪個個有能力守到? 係古代老兵一定衝最前, 但現代人係越老越怕死的

      2. 如內文所講, 股又好債又好, 冇寫包單的, ley say你有三幾百萬退休資產, 擺100萬落確定性更高既資產係好合理

      3. 如果出現呢d政治風險, 樓死股死都未輪到年金死, 年金係有獨立託管人保障投保人資產

      4. 所以台灣rating得AA-

      刪除
  4. 同你諗法相同。哈多謝Tam兄咁有系統解釋,慳返好多時間解釋比我D親戚聽

    回覆刪除
  5. MPF的重點在於被對沖的一群,特別是老人家

    回覆刪除
    回覆
    1. 強積金對沖是其極on9既機制, 但不能用另一個錯誤去解決這個錯誤

      刪除
  6. 即係呢20年係無著數..20年俾政府拎去投資...但如果將呢100萬買HSBC每年收5厘幾息唔係更好咩?最起碼必要時可以套現返...
    我始終覺得老人家多一點錢傍下身好D...睇醫生或TOUCH WOOD有咩事都可以應急...

    回覆刪除
    回覆
    1. 假設你覺得呢5%係包生仔既, fine, 但唔好忘記佢出事個陣, 可以唔派息, 可以叫你供股配股, 調轉頭嘔番d錢出黎, 匯豐試過, 渣兜試過, 建行工行試過

      千萬唔好將低機率視為零機率, 當你85歲收檔, 你都仲有20歲玩, 越過一個經濟周期, 咩事都可以發生

      once again, 個假設係你渣住一定既退休金, 然後拎其中一部分去買年金做最基本既保障, 我唔明點解大家拎住個股vs年金,mutually exclusive既mentality去諗, 如果冇長實咁穩定既現金流, 你估李嘉誠會唔會走去投資人造牛肉?

      刪除
    2. 假設85歲亦都唔係冇著數, risk free拎3.75%, 你去t-bill 都係3%多少少, 如果你唔會中途退出既, 咁個回報其實係有競爭力

      刪除
    3. 20年~咩都有機會發生~講真~你講既全部都係WORST CASE~我唔敢話無~
      但樂觀D睇一樣有樂觀既情況~20年收息都收返個本之後既咪當BONUS

      刪除
  7. 多個選擇,但對於識投資的老人家就不太吸引...

    回覆刪除